Ademi: Përplasjen me Gramoz Vokrrin nuk e kam dashur e as nuk e kam pritur, ai është manipuluar

Presidenti i FFK-së, Agim Ademi, ka thënë se debati me djalin e Fadil Vokrrit për të është i mbyllur.

Ademi, në “Debat Plus” me Ermal Pandurin në RTV Dukagjini, ka thënë se një konflikt me Gramozin nuk e ka pritur e as që e ka dashur.

“Përplasja ka ndodhur për shkak se Gramozi është manipuluar nga grupe të interesit. Ai nuk mund të them se është djalë i pa aftë. Nuk besoj që kanë qëllime politike. Unë sa të jem në krye të Federatës do të punoj drejtë”, tha ai, përcjell Telegrafi.

Lexo po ashtu Kryetari i FFK-së arsyeton hyrjen e Kadri Veselit në dhomat e zhveshjes së futbollistëve të Kosovës në Bullgari

I pari i FFK-së ka thënë se kandidaturën e tij e ka mbështetur edhe familja e Fadil Vokrrit.

“Vetë familjarët dhe institucionet kanë qenë dakord. Të gjithë delegatët po ashtu. Unë personalisht kam qenë në Rusi kur kanë filluar procedurat. Mua më ka nominuar Komiteti Ekzekutiv dhe të gjitha regjionet duke filluar nga Gjilani dhe Prizreni”.

Lexo po ashtu Ademi: Detyrim shtetëror ta quajmë ekipin e Kosovës në futboll si Kombëtare e Kosovës

“Unë kam qenë në Ushtruesin e Detyrës së Kryetarit, por janë bërë zgjedhjet dhe kam fituar mandatin e plotë. Kam mundur ta vazhdoj mandatin si Ushtrues Detyre”, tha ndër të tjera Agim Ademi./Telegrafi/