ACC, ndërmarrja e përbashkët e Stellantis planifikon që punën në gjigafabrikën italiane ta fillojë në vitin 2026

ACC, një sipërmarrje e përbashkët e Stellantis, Mercedes dhe TotalEnergies, tha të premten se fabrika e planifikuar e prodhimit të baterive italiane pritej të fillonte funksionimin në vitin 2026.

Plani do të përfshijë një investim të përgjithshëm me vlerë mbi 2 miliardë euro (2.1 miliardë dollarë) në Itali, duke përfshirë fondet publike, tha ACC në një deklaratë pas takimit me sindikatat në Romë.

Prodhuesi i makinave Stellantis ka plane që deri në vitin 2030 të ndërtojë tre ‘gigafabrika’ në Evropë për t’i shërbyer rritjes së prodhimit të automjeteve elektrike me bateri, raporton Reuters, transmeton Telegrafi.

Ato do të ndërtohen në Francë, Gjermani dhe Itali, përmes ACC, me një kapacitet prej 40GWh secila.

Projekti italian do të bëhet në qytetin jugor të Termolit, nëpërmjet konvertimit të një fabrike ekzistuese të motorëve dhe ingranazheve Stellantis, duke punësuar aktualisht rreth 2,000 punëtorë.

Aty duhet të fillojë puna në fillim të vitit 2026, ndërsa kapaciteti i plotë duhet të arrijë në vitin 2030 me të paktën 1,800 punëtorë, thuhet në deklaratën e ACC. /Telegrafi/