AAK vazhdon me qëndrim kundër Projektligjit të Kodit Civil për bashkëjetesën e personave të gjinisë së njëjtë

Kuvendi i Kosovës po vazhdon punimet ku po debatohet rreth Projektligjit për Kodin Civil.

Deputetja e AAK-së, Time Kadrijaj është shprehur se vota e AAK për këtë projektligj do të jetë kundër.

“Ne prej fillimit jemi deklaru që jemi kundër këtij projektligji dhe përfundimisht nuk do ta përkrahim”, tha ajo.

Sipas saj, edhe ekzekutivi po duket që nuk është unik rreth kësaj çështje.

Lexo po ashtu Ndryshimi i Kodit Civil, Kurti: Nuk bëhet fjalë për martesën e personave me gjini të njëjtë

“Ne po shohim kundërshtime nga grupi parlamentar i VV-së për këtë projektligj. Ju si kryeministër e keni shumicën, andaj ju takon juve ta merrni vendimin. Nuk e kuptoj pse tani në kur po debatohet për këtë ligj ju shohim duke debatuar me deputetët e juaj. Është deshtë që para kësaj seance t’i bëni të qarta qëndrimet” deklaroi deputetja e AAK-së.

Kujtojmë se deri më tani, në parim mbështetje këtij Ligji i kanë dhënë gjitha grupet parlamentare përveç AAK-së, ku shefi i grupit parlamentar të kësaj partie pati deklaruar edhe më herët që nuk do ta mbështesin ligjin në këtë formë, njofton Telegrafi.