A duhet të largohet Shaqiri nga Bayerni për t’u bërë superyll?

Mesfushori shqiptar, Xherdan Shaqiri, konsiderohet si një nga futbollistët e rinj më të jashtëzakonshëm në botë, mirëpo ai vazhdon të ketë minutazh të vogël loje te Bayern Munichu.

Lojtari që përfaqëson Zvicrën është duke menduar që të largohet nga Allianz Arena në mënyrë që ta tregojë gjithë potencialin e tij.

Ai ishte mahnitës në Kampionatin Botëror me përfaqësuesen helvetike, ndërkohë që te bavarezët vazhdon ta ketë të vështirë për të luajtur. Liverpooli ofroi 20 milionë euro për të këtë verë, mirëpo klubi gjerman refuzoi që ta shesë.

Derisa të luajë Franck Ribery te Bayerni, 22-vjeçari gjithmonë do të jetë zgjedhja e dytë në pozitën e tij, prandaj ndoshta është koha që ai të bëjë hapin tjetër.

Ekspertët thonë se Shaqa duhet të refuzojë qëndrimin në bankën rezervë dhe të mos e vazhdojë kontratën me kampionin gjerman nëse nuk i premtohet lojë në fushë.

Me teknikën e mirë që ka dhe fizikun mahnitës, Shaqiri ka cilësi për t’u bërë një superyll i vërtetë i futbollit.

Mirëpo, ai nuk do të arrijë kurrë që të zhvillohet nën hijen e Riberyt. Largimi nga Allianz Arena do të thoshte se ndoshta nuk do të fitojë tituj, mirëpo ai do të zhvillohej në nivelin individual.

Liverpooli, Roma dhe Juventusi vazhdojnë të interesohen për Shaqirin, a mendoni se ai duhet ta braktisë Bayern Munichun?

/Telegrafi/