Sundance Grand Closing në Jalë, festival që përmbledh muzikën, turizmin kulturor, artizanal dhe kulinar dhe qejfin.
Festivali zgjat dy ditë dhe mbahet në bregdetin e Jalës, ku përveç kënaqësisë do të kenë mundësinë të njohin më mirë zonën e Jalës, mikpritjen, traditat, bukuritë e zonës, prodhime artizanale përmes mini – shtëpizave ku banorët vendas do të bëjnë tregtimin e produkteve dhe suvenireve vendore.
Nuk do të mungojë as performanca e artistëve më saktësisht e piktorëve dhe instalacionet me temë nga bregdeti që do t’i japin një atmosferë më ndryshe festivalit.
Ju prezantojmë artistët dhe DJ-të që do të jenë të pranishëm gjatë festivalit, të gjithë janë artistë të famshëm të estradës muzikore .
Ashtu si ndodh në mbarë plazhet e famshme të botës, Jala do t’i ketë disa ditë plot me mysafirë shqiptarë dhe turistë nga bota që do të festojnë ditën e shtatorit, njësoj si festohet Grand Closing në Mykonos apo Ibiza.
