3500 trupa britanike në gjendje gatishmërie, në rast të ndonjë dështimi të marrëveshjes për Brexit

Sekretari i Mbrojtjes i Britanisë së Madhe njoftoi se 3.500 trupa do të jenë në gatishmëri për një Brexit të mundshëm pa marrëveshje, pasi ligjbërësit thanë të martën se ata kanë rritur përgatitjet për largimin nga Bashkimi Evropian pa një marrëveshje.

Sipas mediave të huaja, përcjell Telegrafi, me vetëm 101 ditë të mbetura para se Mbretëria e Bashkuar të largohet nga BE, anëtarët e kabinetit nuk kanë planifikuar “një prioritet operativ”, në rast të mos arritjes së një marrëveshje.

Kështu, siç thuhet tutje, familjeve dhe bizneseve do tu dërgohen këshilla zyrtare gjatë javëve të ardhshme se si të përgatiten më mirë për një rezultat të tillë.

Pas një takimi të kabinetit të martën, zëdhënësi zyrtar i Kryeministres Theresa May ka thënë se ministrat ranë dakord që një plan emergjent ishte thelbësor në rast se parlamentarët e refuzojnë marrëveshjen e saj kur të votojnë rreth saj në janar.

Theresa May është përballur me kundërshtim ndaj marrëveshjes së saj të propozuar të Brexit, duke mbijetuar një votim mosbesimi nga Partia e saj Konservatore javën e kaluar. /Telegrafi/