Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se nga 1.713 testime, 15 qytetarë kanë rezultuar pozitiv me virusin COVID-19.
Ministria e Shëndetësisë njofton se gjatë 24 orëve të fundit, nuk është shënuar asnjë rast i vdekjes.
Më tej bëhet e ditur se sot janë shëruar 67 qytetarë, derisa numri i përgjithshëm i të shëruarve është 105.174, ndërkaq në total numri i rasteve aktive është 186.
Në 24 orët e fundit janë dhënë 7.492 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 110.097 doza të vaksinës.
Deri më sot 13.149 qytetarë janë vaksinuar me dozën e dytë. /Telegrafi/
