100 milionë euro? As kjo nuk e bindi yllin e Real Madridit të braktiste Bernabeun për Chelsean e Abramovichit

Ish-lojtari i Real Madridit, Raul Gonzalez, refuzoi një ofertë prej 100 milionë eurosh nga pronari i Chelseat, Roman Abramovich në vitin 2003, sipas agjentit të lojtarit, Gines Carvajal. Raul thuhet se “as nuk e kishte marrë parasysh lëvizjen”.

Duke folur për The Sun në vitin 2010, Carvajal tha se pavarësisht se shumë klube angleze treguan interesim për sulmuesin spanjoll, vetëm klubi londinez bëri një “propozim formal”. Megjithatë, Raul nuk e konsideroi këtë pasi nuk donte të largohej nga Real Madridi.

“Shumë klube angleze kërkuan në të kaluarën për Raulin, por i vetmi propozim zyrtar ishte ai i Chelseat”, deklaroi Carvajal. “Ranieri (atëherë trajner i Chelseat, Claudio) donte Makelelen dhe Raulin”.

“Kështu të njëjtët njerëz të Chelseat që negociuan për Makelelen kontaktuan me mua dhe Madridin ata ofruan 100 milionë euro (atëherë një rekord botëror 70 milionë funte), por Raul nuk e mori parasysh ofertën sepse ai thjesht nuk kam menduar të largohej nga Madridi”, ka shtuar më tej ai.

Lexo po ashtu 'Dora e hekurt' e Florentino Perez: Vë në shitje tre top lojtarë të Real Madridit

Raul shënoi 323 gola dhe dha 133 asistime në 741 paraqitje për Real Madridin ndërmjet viteve 1994 dhe 2010. Ai fitoi gjashtë tituj të La Ligës dhe tre tituj të Ligës së Kampionëve për klubin dhe është golashënuesi i gjashtë më i mirë në La Liga me 228 gola në emër të tij.

Ish-ylli i Los Blancos është aktualisht trajner i Real Madrid Castilla. Ai u tërhoq nga futbolli profesionist në vitin 2015. /Telegrafi/