10 përfitimet e pastrimit të shtëpisë tuaj

Pastrimi i shtëpisë është një gjë që realizohet instinktivisht prej një moshe të re, instinkt fizik, që sjellë benefite dhe emocionale e që rezulton me shtëpinë e pastruar.

Të gjithë në këtë kohë i kemi zyret, shtëpitë e banesat në pritje për t’u pastruar dhe ekzistojnë disa përfitime të papritura nga pastrimi i shtëpisë që shumë njerëz as nuk i mendojnë, e as që i kuptojnë derisa vendosin vërtet të pastrojnë.

Por, pse duhet të filloni pastrimin qysh sot?

Është më e shëndetshme

Një shtëpi e papastër mund të nxisë astmën, të shpërndajë gripin dhe bakterie tjera të rrezikshme. Shtëpia juaj nuk ka nevojë që të jetë sterile – por thjeshtë një ambient i pastër, i lirë nga pluhurat dhe që mund të mbajë familjen të shëndetshme për një kohë.

Zgjedhje e mençur është përdorimi i produkteve të pastrimit që nuk janë toksike dhe që janë me çmim të volitshëm.

Është më pak rrezik

Kjo vlen sidomos për fëmijët. Mungesa e pastërtisë mund të çojë në incidente sidomos poër fëmijët që po mësojnë si të ecin, andaj sot duhet të filloni pastrimin e shtëpisë për hirë të fëmijëve tuaj.

Nxitë qetësinë

Me botën e jashtme që është mjaft kaotike, pse do të dëshironit që të keni një kaos të tillë edhe në shtëpinë tuaj?

Mbështet minimalizmin

Shtëpitë e pastra dhe të rregulluara mirë kanë më pak gjëra brenda tyre dhe na lejojnë që të përqafojmë konceptin e minimalizmit. Nuk është e thënë që njerëzit që kanë shtëpitë e pastra janë minimalistë, por kur filloni të largoni gjërat e panevojshme nga shtëpia e juaj, atëherë shihni përfitimet e vërteta sepse filloni së ndaluari të grumbulloni gjëra të panevojshme që shkaktojnë papastërti në ambientin tuaj. Largoni ato që sot.

Ju bën të lumtur

Kurrë nuk mund të takoni një person që është i lumtur me shtëpi të papastërt dhe të pa organizuar. Pastërtia dhe organizimi ju bën të ndiheni të lumtur, por më shumë me rëndësi, eleminon stresin që shkaktohet nga ambienti kaotik. Nuk ka asgjë të keqe që sot të gjeni lumturinë në gjërat e thjeshta duke filuar me pastrimin në shtëpiën tuaj.

Ding dong, keni shoqëri në shtëpi

Kur shtëpia juaj është e pastruar dhe e organizuar, ju mund të keni më pak shoqëri dhe të mos ndiheni keq. Ju mund të kënaqeni edhe vet me ambientin tuaj, por nëse sot prisni shoqëri dhe shtëpinë e keni të pa pastërt, atëherë kjo është një gjë që do t’iu bëjë të ndiheni keq.

Mbështet mbrojtjen e ambientit

Është më e lehtë që të hedhni në mbeturina atë që nuk dëshironi, por së menduari se ka shumë gjëra që mund të shfrytëzohen më mirë dhe nuk janë të organizuara dhemb në zemër. Zgjedhja e produkteve të pastrimit që përkrahin mbrojtjen e ambientit dhe dhurimi i gjërave të panevojshme për njerëzit në nevojë në vend se t’i flakim përtej duke dëmtuar ambientin janë pjesë e një bote të bukur që ju mund t’i kontriboni qysh prej sot.

Mund të gjeni atë që ju duhet

Kur jeni në shtëpi të pastër dhe të rregulluar ju i dini ku i keni gjërat, andaj nuk keni nevojë që të nxitoni që t’i bleni menjëherë ato.

Kurseni para

Po, po, mirë jeni duke lexuar. Duke blerë produkte të pastrimit dhe duke pastruar shtëpinë tuaj ju kurseni pra sepse jeni në gjendje t’i gjeni gjërat që keni nevojë dhe që janë zhdukur nga mos organizimi në shtëpi, ndërsaq kur shtëpia është e pastruar dhe e bëni këtë rregullisht, kurseni para.

Kur kujdeseni për gjërat tuaja, ato zgjasin më shumë dhe kërkojnë më pak riparim ose zëvëndësim. Nëse kërkoni të kurseni para, konsideroni pastrimin më rregullisht për t’i mbajtur gjërat në formë ideale.

Keni sensin e një arritje të rëndësishme

Kur pastroni dhe bëni një hap prapa e shihni se çka keni bërë – fitoni një ndjenjë të arritjes. Sa herë ndiheni se jeni dukë hezituar që të pastroni, vetëm mendoni për sensin e arritjes që e keni ndjerë dhe do të vazhdoni të jeni të enkurajuar për të pastruar.

Secili e ka pikëpamjen personale të pastrimit të shtëpisë. Dikush e pëlqen, e dikush jo – një gjë është e sigurtë, kjo bën që ambienti juaj të jetë më i lumtur, më i shëndetshëm dhe më i qetë.

/Telegrafi/