Zyrtare: Montella prezantohet te Sevilla

Vincenzo Montella u prezantua këtë të shtunë si trajner i ri i Sevillas.

Trajneri italian ka nis një aventurë të re te skuadra spanjolle pas largimit nga ekipi italian i Milanit.

Ai ka folur pas prezantimit për mediat, ku ka falënderuar drejtuesit e ekipit për mundësinë e ofruar.

“Falënderoj drejtuesit e Sevillas për mundësin e dhënë. Në afat të shkurtër synimi im është të fitoj sa më shumë ndeshje. Ky është klubi ideal për të shprehur idetë e mia, është një mundësi e mrekullueshme për mua. E dua stadiumin, klubin, shpirtin”, ka pohuar Montella.

Lexo po ashtu Montella e dëshiron transferimin e Deulofeut te Sevilla

Strategu ka treguar edhe përshtypjet e para për skuadrën andaluziane ndërsa foli edhe për mundësinë e largimit të Steven N’Zonzit, i cili është i lidhur me një kalim te Arsenali.

“Përshtypja për ekipin. Kam parë disa ndeshje këtë vit, shumica të Ligës së Kampionëve. Nuk kam pasur shansin t’i shoh ato të fundit. Gjëja e parë që do të bëj është ta shoh se çfarë ka ndodhur në javët e fundit, frymën dhe pasionin e lojtarëve”.

“N’Zonzi është një lojtar shumë i fortë, një nga qëllimet e mia është të flas me të, për të kuptuar se cilat janë idetë e tij, për mua ai është një lojtar i rëndësishëm”. /Telegrafi/