Zyrtare: Faruk Statovci, trajner i ri i Flamurtarit

Klubi kryeqytetas, Flamurtari ka njoftuar emërimin e Faruk Statovcit si trajner të ri të ekipit, pasi synim kryesor kanë rikthimin në Superligën e Kosovës.  

Kuqezinjtë kanë filluar me projektin për rikthimin e klubit në nivelet më të larta sportive dhe këtë e kanë nisur nga emërimi i trajnerit të ekipit të parë.

Bëhet fjalë për emrin e njohur, Faruk Statovci, i cili është emëruar trajner për edicionin 2024/25.

Njoftimi i emërimit të ish-mesfushorit të Kosovës ka ardhur nga faqja zyrtare e Flamurtarit në rrjetet sociale.

View this post on Instagram

A post shared by KF FLAMURTARI ⚽️ (@kfflamurtari_official)

Njoftimi pa ndërhyrje i Flamurtarit

Faruk Statovci – timonier i ri i Flamurtarit

Klubi Futbollistik Flamurtari komunikon arritjen e bashkëpunimit me Faruk Statovcin për sezonin vijues.

Emërimi i Statovcit si shef i shtabit teknik vjen si proces i nismës së projektit për rikthimin e klubit në nivelet më të larta sportive dhe puna e suksesshme ndër vite është vlerësuesi më i mirë për teknikun Statovci.

Fillimi i fazës pregaditore në fillim të javës që po vjen shënon edhe fillimin e etapës së Statovcit në klub.

Të gjithë në KF Flamurtari i urojnë mirëseardhje Statovcit dhe stafit të tij, duke u dëshiruar njëherit shumë suksese.

/Telegrafi/