Janë djegur mbi 1000 rrënjë ulliri, flakët po favorizohen nga era.
Një vatër e re zjarri ka përfshirë hapësirat masive kodrinore në fshatin Gosë të Kavajës, duke prekur ullishtet e zonës.
Zjarri po përparon edhe në afërsi të banesave, i ndihmuar nga era dhe terreni i vështirë.
Sipas banorëve të zonës, zjarri ka djegur mbi 1000 rrënjë ulliri dhe po u afrohet shtëpive.
Flakët janë lokalizuar nga banorët e fshatit, të cilët kanë ndërhyrë për shuarjen e tyre me mjete rrethanore.
Ndërsa zjarrfikëset, për shkak të terrenit kodrinor, e kanë të vështirë të ndërhyjnë për të vënë nën kontroll flakët./Tv Klan
