Ziberi: Orët mësimore të detyrueshme të gjuhës shqipe për të gjithë nxënësit nga klasa e 5-të janë çështje e barazisë

Sot, në oborrin e shkollës “Hasan Prishtina” në Çair, kandidati për kryeministër, Naser Ziberi dhe bartësi i listës së zonës dy, Arbër Ademi, realizuan takim me mësuesit dhe arsimtarët, për të dëgjuar nevojat e tyre dhe për të diskutuar se si mund të përmirësohet cilësia e arsimit dhe veçanërisht barazia në arsim.

“Plani im i veprimit gjatë 100 ditëve të para si kryeministri shqiptar përfshin zotimin që parasheh një ardhmëri më të mirë për rininë sonë. Ne do ta bëjmë arsimin parashkollor të detyrueshëm dhe do të ofrojmë kopshtet për fëmijë në çdo komunë”, theksoi Naser Ziberi, duke shtuar se edukimi i detyrueshëm parashkollor garanton arsim të barabartë për të gjithë fëmijët pavarësisht gjendjes së tyre sociale dhe gjithashtu ndihmon familjet e reja, gjë që është vërtetuar shkencërisht, se arsimi parashkollor kontribuon në karrierën arsimore të fëmijëve dhe ul hendekun shoqëror.

Naser Ziberi foli edhe për vendosjen e gjuhës shqipe të detyrueshme nga klasa e pestë.

“Ligji për gjuhët është miratuar nga Kuvendi i Maqedonisë së Veriut, ndër gjyha shqipe, tashmë është gjuhë zyrtare në vend. Kjo është arritja më e madhe për ne si shqiptarë”, tha Ziberi.

Ndërkaq gjatë kësaj vizite bartësi i listës së zonës dy, Arbër Ademi, potencoi se do të investohet në infrastrukturën arsimore, në ndërtimin dhe rinovimin e kopshteve dhe shkollave në lagjet shqiptare, projekte të cilat disa prej tyre veç më janë në realizim e sipër.

“Të ndërtojmë një  infrastrukturë të barabartë, shkolla dhe kopshte bashkëkohore, edhe në lagjet që kanë mbetur pas sa i përket infrastrukturës për shumë vite ‘, theksoi Ademi./Telegrafi/