Sekretari ndërkombëtar i LSDM-së, Andrej Zhernovski ka akuzuar kryeministrin, Hristijan Mickoski për bllokimin e procesit eurointegrues të vendit dhe se me këtë Maqedonia e Veriut po humb shumë para nga BE.
"Është katastrofike dhe për të ardhur keq të dëgjosh një deklaratë të tillë nga një kryeministër, një njeri që duhet të na shtyjë drejt BE-së. Të paktën me këtë, ai e deklaroi sinqerisht se cili është qëndrimi i tij. Meqenëse është tashmë me Orbanin, mund ta pyesë se sa para ka marrë Hungaria. Tema është se sa para po humbasim në reforma, spitale, shkolla", thotë Andrej Zhernovski, në lidhje me deklaratën e kryeministrit Hristijan Mickoski se "jemi të përgatitur të presim dekada" për hyrje në BE, sepse, siç tha ai, nuk do të ketë ndryshime kushtetuese pa largpamësi.
Zhernovski thekson se Hungaria ka marrë mbi 70 miliardë euro deri më tani, mund të kishte marrë edhe më shumë, nëse fondet nuk do të ishin bllokuar për shkak të politikave të Viktor Orbanit.
"Nëse e shohim përvojën, pyeteni se çfarë është. Po izolohemi për shkak të politikës, fqinjët e tjerë po përparojnë dhe do të përfundojmë, për fat të keq, të izoluar", tha anëtari i LSDM-së në emisionin "Direktno"./Telegrafi/
