Zgjidhet kamioni më i mirë për vitin 2024

Kemi fituesin e çmimit “Kamioni Ndërkombëtar i Vitit 2024” dhe është i pari “elektrik” që fiton këtë çmim prestigjioz.

Laureati është Volvo FH Electric, dhe në shpjegimin e vendimit të tyre, juria vlerësoi performancën e kamionit elektrik, përshpejtimin e patëmetë, faktin që kamioni është i qetë dhe nuk dridhet shumë gjatë drejtimit.

Ky çmim, meqë ra fjala, ndahet nga organizata Ndërkombëtare e Kamionit të Vitit dhe përbëhet nga gazetarë të shumtë, të cilët për specialitet është monitorimi i tregut të kamionëve dhe lajmet për këtë segment të industrisë së automobilave. Organizata ekziston që nga viti 1977.

“Me prezantimin e FH Electric, Volvo ka ofruar një gamë moderne të automjeteve elektrike me bateri, të përshtatshme për një gamë të gjerë operacionesh transporti. Është dëshmi se tranzicioni i energjisë po fiton tërheqje edhe në biznesin e sotëm”, tha Gianenrico Griffini, president i jurisë që vendosi fituesin.

Kjo është hera e katërt që një version i Volvo FH është shpallur Kamioni i Vitit. Nuk është çudi, duke qenë se është një nga modelet më të suksesshme në industri, me gati 1.4 milionë kopje të shitura në mbarë botën.

Volvo FH Electric ka një peshë maksimale bruto të automjetit prej 44 tonësh, dhe prodhimi i këtij modeli filloi në vitin 2022 në Suedi, përpara se të kalonte në Ghent, Belgjikë vitin e kaluar. /Telegrafi/