Ylli kroat, 20-vjeçari Josko Gvardiol ka mbajtur maskë për fytyrën gjatë gjithë ndeshjeve të Kupës së Botës dhe tifozët kanë qenë të interesuar ta dinë arsyen e vërtetë.
Gvardiol, një objektiv serioz për Chelesan, por edhe Real Madridin dhe Barcelonën ka qenë i jashtëzakonshëm për kombëtaren kroate në Katar.
Pavarësisht humbjes në gjysmëfinale ndaj Argjentinës, mbrojtësi kroat mund të mbajë kokën lart duke pasur parasysh paraqitjen e tij.
Mbrojtësi i RB Leipzig është parë me maskë gjatë ndeshjeve dhe me të drejt tifozët janë interesuar ta dinë arsyen.
E vërteta është se Gvadiol ka mbajtur maskën në fytyrë për shkak të thyerjes së hundës disa javë para turneut.
Gvardiol u përplas me shokun e skuadrës së RB Leipzigut, Willi Orban, gjatë një ndeshjeje kundër Freiburgut në Gjermani. /Telegrafi/
