Zbulohen planet e ndërtimit të rrokaqiejve në pronën më të shtrenjtë në botë

Një rrokaqiell qelqi i frymëzuar nga një lule e çelur është vendosur të ngrihet në një nga parcelat, i cili është shitur më së shtrenjti në botë.

Planet e zbuluara, i cili në vitin 2017 ndryshoi duart për një rekord të atëhershëm prej tre miliardë dollarësh, tregojnë një kullë tërheqëse që është e gjatë 623 metra mbi rrethin qendror të Hong Kongut, raporton CNN.

Dizajni me 36 kate u zbulua këtë muaj nga Zaha Hadid Architects, firma e themeluar nga arkitekti i ndjerë britaniko-irakian. Pjesa e jashtme e kullës është, sipas një njoftimi për shtyp, e frymëzuar nga “format strukturore dhe shtresëzimi” i një bauhinia që lulëzon, lulja që është shfaqur në flamurin e Hong Kongut që kur Britania i dha kontrollin e territorit Kinës në vitin 1997.

Në nivelin e tokës , një seri oborresh dhe kopshtesh do të formojnë atë që arkitektët e përshkruajnë si një “oazë urbane”, transmeton Telegrafi.

Patundshmëria prej 31 mijë metra katrorë u ble nga zhvilluesi i pronave në Hong Kong, Henderson Land. Në kohën e shitjes, vendi – atëherë parking me shumë kate – u bë ngastra më e shtrenjtë e botës, sipas firmës globale të pasurive të patundshme, Jones Lang LaSalle (JLL).

Ky çmim është tejkaluar nga dy marrëveshje tjera në qytet. Sipas të dhënave nga regjistri i tokës së Hong Kongut, një ngastër afër aeroportit të vjetër të qytetit u shit për 3,25 miliardë dollarë në vitin 2018, para se të shkonte një parcelë toke në Kowloon, mbi stacionin hekurudhor që lidh qytetin me Kinën kontinentale për 5.45 miliardë dollarë.

Sidoqoftë, zona qendrore e rrethit mbetet më e shtrenjta se secila prej tyre për sa i përket çmimit për njësi, e cila barazohet me mbi 6,450 dollarë për një metër katrorë.

Ndërtesa prej xhamave të lakuara, ofron pamje në qendër të Hong Kongut. Pjesa e sipërme e kullës do të përmbajë gjithashtu një “Kopsht Qiellor” me një pistë vrapimi dhe rrjet mbjelljeje akuaponike, thonë projektuesit e saj, e cila do të veprojë si një “filtër biologjik të pastrimit të ajrit”.

Brenda, arkitektët planifikojnë të përdorin kontrollet e ashensorit dhe sistemet biometrike të sigurisë në mënyrë që të eliminojnë “kontaktin e drejtpërdrejtë me sipërfaqet komunale”.

Pas përfundimit të projektit në vitin 2023, zhvilluesi Henderson Land, i cili zotëron disa nga pasuritë e patundshme më të dëshirueshme të qytetit, pritet të vendos me qira pronat në atë që është tregu më i shtrenjtë në botë.

Në rrethin qendror të Hong Kongut, e ashtuquajtura hapësirë për zyre “Grade A” merret me qira për një mesatare prej 1,666 dollarë për metër katror, më shumë se dyfishi i çmimit që gjendet në zonat në qendër të qyteteve si Shangai dhe Singapori , sipas JLL. /Telegrafi/