Ekaterina Zakharieva, ministre e Punëve të Jashtme të Bullgarisë i ka prezantuar prioritetet e kryesimit bullgar të BE-së para Komitetit për politikë të jashtme të Parlamentit Evropian.
Me këtë rast, Zakharieva ka deklaruar se Bullgaria është e inkurajuar shumë nga arritja e Maqedonisë dhe Greqisë në lidhje me bisedimet për çështjen e emrit, përcjell Telegrafi Maqedoni.
Ajo ka deklaruar se është mjaft reale që bisedimet me Maqedoninë të fillojnë gjatë kryesimit bullgar të BE-së dhe se do ta mbështetin një zhvillim të tillë edhe për Shqipërinë.
Zakharieva ka theksuar se Ballkani Perëndimor është mjaft i rëndësishëm për mirëqenien e Evropës, dhe se nuk mund të ketë Evropë stabile pa Ballkanin stabil./Telegrafi/
