Lideri i Vetëvendosjes, Visar Ymeri ka pritur sot në takim lamtumirës shefin e zyrës së BE-së në Kosovë, Samuel Zhbogar.
Gjatë këtij takimi është biseduar për situatën politike në vend, demarkacionin dhe liberalizimin e vizave.
Postimi i plotë i Ymerit:Sot, në takimin lamtumirës me Përfaqësuesin e deritashëm të BE'së në Kosovë, Samuel Zhbogar, biseduam për situatën politike në vend. Zhbogar u njoftua edhe një herë me qëndrimet e Lëvizjes VETËVENDOSJE! në lidhje me çështjen e demarkacionit, dhe futjen e kësaj çështjeje si kriter për liberalizimin e vizave. Po ashtu shprehëm kundërshtimin tonë ndaj praktikës kriminale të regjimit aktual dhe domosdonë e ndryshimeve rrënjësore në Kosovë. Falënderoj z.Zhbogar për takimin e sotëm dhe bashkëpunimin e vazhdueshëm me Lëvizjen VETËVENDOSJE!.
