Ylli i Manchester Cityt i jep fund beqarisë në fshehtësi, por gruaja e tij zbulon detaje

Gruaja e mesfushorit të Manchester City, Ilkay Gundogan, ka hedhur poshtë pretendimet se gjermani së fundmi ka zhvilluar bisedime me Real Madridin për një transferim të mundshëm gjatë verës.

Në fillim të kësaj jave, Gundogan raportohet se u fotografua duke shkuar për në Madrid me një aeroplan privat nga Manchesteri në fillim të kësaj jave pas pretendimeve se City po kërkonte ta shiste atë në fund të sezonit, me kontratën e tij në Etihad Stadium që do të skadojë në fund të sezonit.

Megjithatë, partnerja e Gundogan, Sara Benamira, përgënjeshtroi këto pretendime në llogarinë e saj në Instagram dhe në vend të kësaj ka njoftuar se çifti janë martuar së fundmi.

“Ne jemi të martuar. Jemi vërtet të lumtur… mezi presim të festojmë me familjet dhe miqtë tanë. Gundos”, thuhet në postimin e përbashkët në Instagram.

Thuhej se ishte një postim i përditësuar, me GOAL që raportoi se Benamira e modifikoi postimin.

Lexo po ashtu Dortmund nuk do ta rikthejë Gundoganin, por gjermani ka tjera oferta

Versioni origjinal thuhet se ishte: “Ne jemi të martuar. Jemi vërtet të lumtur… donim ta mbanim private, por për fat të keq pas këtij lajmi të rremë për burrin tim u ndjeva e detyruar të them të vërtetën”.

View this post on Instagram

A post shared by Sara Arfaoui Gündogan? (@sarabenamira)

Derisa Gundogan do të qëndrojë akoma, City ka përfunduar nënshkrimin e sulmuesit Erling Haaland nga Borussia Dortmund këtë muaj, me norvegjezin që do të nënshkruajë për një tarifë prej 51.2 milionë funtesh.

Që nga nënshkrimi për Dortmundin në janar 2020, Haaland ka shënuar 86 gola në 89 paraqitje. Nga 86, 62 kanë qenë në Bundesligë, me 15 gola të tjerë në Champions League. /Telegrafi/

View this post on Instagram

A post shared by Sara Arfaoui Gündogan? (@sarabenamira)