Willy Brandt ishte informator i SHBA-së para se të bëhet kancelar gjerman

Ish-kancelari gjerman, Willy Brandt besohet të ketë qenë një informator për Korpusin e Kundërzbulimit të Inteligjencës Ushtarake të SHBA-së (CIC) për katër vjet përpara se të vinte në pushtet në 1969-1974.

Brandt, i cili ishte nga Partia Social Demokratike (SPD), i ofroi informacione CIC nga viti 1948 deri më 17 mars 1952, sipas derspiegel.

Revista shkroi se Brandt informoi CIC për FDJ-në, krahun rinor të Republikës Demokratike Gjermane (DDR) dhe Partinë e Unitetit Socialist (SED) në pushtet.

Ai pretendonte se Brandt dha gjithashtu informacione për kantieret detare, fabrikat, sistemin hekurudhor dhe rrjetin telefonik të ushtrisë sovjetike, transmeton Telegrafi.

Sipas burimeve, ai u takua me oficerë ndërlidhës të CIC, të cilët e klasifikuan atë si të besueshëm më shumë se 200 herë në katër vjet.

Thuhej se Brandt, i cili ishte informator për katër vjet, ishte i regjistruar me kodin “O-35-VIII”.

Brandt, i cili mori Çmimin Nobel për Paqen në 1971, dha dorëheqjen pasi u zbulua se Gunter Guillaume, këshilltari dhe krahu i djathtë i tij, ishte një spiun i DDR.

Ndryshe, ai vdiq më 8 tetor të vitit 1992 në Unkel, afër Bonit. /Telegrafi/