Vraponte e zhveshur në aeroplan dhe pretendonte se kishte me vete eksploziv – britaniku “ndalë” gruan që i kërcënonte pasagjerët

Një baba i tre fëmijëve që fitoi epitetin e heroit, ka arritur ta frenojë një grua e cila ishte zhveshur dhe vraponte nëpër aeroplanin që udhëtonte drejt Manchesterit dhe vazhdimisht tentonte të futej në kabinën e pilotit duke bërtitur “Allahu Akbar”.

Gruaja pretendonte se ka eksploziv me vete, dhe vazhdimisht i pyeste fëmijët që i kishte me vete nëse janë të gatshëm të vdesin.

Ajo u tha pasagjerëve të tmerruar dhe stafit se prindërit e saj janë anëtarë të grupit terrorist ISIS, transmeton Telegrafi.

Por O’Brien që ishte në bord me familjen e tij, përfshirë gruan dhe tre fëmijët reagoi me kohë për të parandaluar më të keqen.

I habitur me atë sesi askush nuk po reagon, ky baba i tre fëmijëve vrapoi për t’i dalë në ndihmë personelit.

35-vjeçari duket se nuk kishte harruar taktikat e vetëmbrojtjes derisa kur ishte si adoleshent kishte punuar si roje sigurimi, kështu e rrëmbeu dhe priti derisa të shfaqet policia. /Telegrafi/

https://twitter.com/triantafyllidi2/status/1558724865791762433?ref_src=twsrc%5Etfw%7Ctwcamp%5Etweetembed%7Ctwterm%5E1558724865791762433%7Ctwgr%5E07f9512cc5bf879e7afe6df266c119ca9e7eb7fc%7Ctwcon%5Es1_&ref_url=https%3A%2F%2Finsajderi.org%2Fkaos-ne-avion-gruaja-e-zhveshur-vrapon-drejt-kabines-duke-bertitur-kam-eksploziv%2F