‘Vrapo Babadimër’ dhuron kostumet e para për Down Syndrome Kosova dhe SOS Fshatrat e Fëmijëve Kosovë

Kjo mini-maratonë do të mbahet për të shtatën herë në kryeqytet me qëllim që të ndihmojë shumë familje në nevojë.

Vitin e kaluar në total janë ndihmuar 700 familje në nevojë dhe këtë vit pritet të ndihmohen shumë më shumë familje.

Pjesmarrës në këtë mini-maratonë mund të jenë të gjitha moshat, të rritur dhe fëmijë, e duke blerë nga një kostum do të falin shumë dashuri, ndihmë dhe lumturi për plot familje.

Jusuf Islami, njëkohësisht edhe organizator i kësaj iniciative bashkë me Projektin 5 cent, kanë dhuruar kostumet e para për Down Syndrome Kosova dhe SOS Fshatrat e Fëmijëve Kosovë.

Lajmin për pranimin e kostumeve dhe konfirmimin për pjesëmarrje në ‘Vrapo Babadimër’, këto dy të fundit e kanë bërë edhe në rrjetet e tyre sociale, ku kanë shprehur falenderim të veçantë dhe kënaqësinë më të madhe për të qenë pjesë e këtij organizimi.

Këtë fundvit me 25 dhjetor në ora 12:00 grumbullohen dhe priten të vrapojnë mbi 1 mijë babadimra në këtë maratonë, ndërsa prej orës 13:00 do të ketë edhe program muzikor dhe balet.