Vinicius Jr lëshoi një paralajmërim për Real Madridin pas debaklit nga Man City

Sulmuesi i Real Madridit, Vinicius Junior, ka qenë ylli i spektaklit për Los Blancos këtë sezon, por kundër Manchester Cityt, nuk mundi as të vërehej me lojën e tij. Pas ndeshjes ai foli për mediat dhe nuk e fshehu dot zhgënjimin për rezultatin.

Vinicius Jr u limitua nga Kyle Walker, duke mos bërë asnjë driblim të suksesshëm gjatë gjithë ndeshjes dhe regjistroi vetëm një gjuajtje jashtë kuadratit. Ishte një shenjë e një beteje më të gjerë që Real Madridi kishte krijuar shanse në Etihad.

Megjithatë, sipas brazilianit, nuk ishte për mungesë dëshire.

Lexo po ashtu Shpjegimi se si taktikat e Guardiolas shkatërruan mesfushën e Real Madridit në gjysmëfinalen e Ligës së Kampionëve

“Qëndrimi nuk ka munguar, ishte shumë e vështirë ndaj një ekipi të madh në shtëpi. Është shumë e vështirë”, ka thënë fillimisht Viniciur për Marca.

Ai gjithashtu paralajmëroi se një ndeshje e tillë e njëanshme duhej të ishte një ngjarje e vetme për Real Madridin.

“Ka qenë një ditë shumë e vështirë për ne, por duhet të marrim mësime, të mësojmë nga kjo lojë”.

Lexo po ashtu Ancelotti flet pas eliminimit ndaj Man Cityt: Ishin më të mirë se sa ne, kjo humbje nuk ndryshon te ardhmen time

“Kjo nuk mund të ndodhë më sezonin e ardhshëm. Arritja në gjysmëfinale është shumë e vështirë”, përfundoi sulmuesi brazilian.

Vinicius Jr do të shpresojë që Los Blancos të sjellë përforcime në sulm sezonin e ardhshëm. Me Benzemën që mungon shpesh ose jo plotësisht i mprehtë, shumë shpesh, përgjegjësia e sulmit ka rënë drejtpërdrejt mbi supet e tij këtë sezon. /Telegrafi/