Victor Osimhen ‘u mbyll në hotel për tre ditë’ për të bllokuar transferimin te gjiganti evropian

Napoli do të jetë i dëshpëruar për të mbajtur Victor Osimhen këtë verë pasi bëri përpjekje të jashtëzakonshme për të nënshkruar me sulmuesin.

Sulmuesi 24 vjeçar është në radarin e disa top klubeve në Evropë pas një sezoni të bujshëm në Serie A.

Nigeriani ka shënuar 23 gola në vetëm 29 paraqitje në Serie A për të ndihmuar Napolin të kurorëzohet kampion për herë të parë në 33 vjet.

Lexo po ashtu Chelsea ofron dy lojtarë dhe para për Osimhen

Bayern Munich, Paris Saint-Germain dhe Chelsea janë të interesuar për nënshkrimin e Osimhen këtë verë, ndërsa Manchester United gjithashtu ka qenë i lidhur fort me sulmuesin.

Nuk është hera e parë që një klub anglez lidhet me një lëvizje për Osimhen.

Liverpool thuhet se ishte i interesuar për nënshkrimin e nigerianit në vitin 2020 përpara se ai të bashkohej me Napolin në një transferim rekord prej 70 milionë eurosh nga Lille.

Tani është zbuluar se drejtori i Napolit, Cristiano Giuntoli e ‘mbyllte’ Osimhen brenda një hoteli për ta bindur atë të bashkohej me skuadrën e Serie A dhe të refuzonte një lëvizje në Anfield.

Giandomenico Costi, i cili punoi me Giuntolin te Napoli, zbuloi rreth lëvizjes së Osimhen te Napoli.

Ai tha për gazetën italiane Tuttosport: “Nënshkrimi i Osimhen është kryevepra më e madhe e Giuntolit”.

Lexo po ashtu Bayern Munichu shihet si favorit përpara Chelseat, Man Utd dhe PSG në garën për transferimin e Osimhen

“Ai (Osimhen) ishte i mbyllur në një hotel për tre ditë. Giuntoli e dinte se Liverpool ishte i interesuar dhe Jurgen Klopp kishte bërë lëvizjen e tij, por Cristiano foli me Osimhen në hotel për tre ditë derisa ai e bindi atë të pranonte Napolin”.

“Ai ishte plot energji. Giuntoli është një drejtor që të thërriste 100 herë në ditë. Ai e njihte shumë mirë Victorin, madje e kishte ndjekur te Charleroi”, ka shtuar më tej ai.

Napoli mund ta ketë më të vështirë të mbajë Osimhen këtë verë, por pritet të luftojë. /Telegrafi/