Vetëm 8 për qind e buxhetit për investime kapitale, planifikohet për fshatra të Lipjanit
Kuvendi Komunal në Lipjan ka mbajtur mbledhjen e rregullt të enjten, në të cilën është miratuar planifikimi i shpenzimeve buxhetore për vitet 2025-2027. Për vitin 2025 kjo komunë ka planifikuar të shpenzoi 24 milion e 987 mijë euro duke përfshirë, investimet kapitale, investimet në shëndetësi, arsim, mallra dhe shërbime, paga dhe kategori të tjera.
Kjo komunë me kohë i ka përfunduar dëgjimet buxhetore nëpër fshatra për ta hartuar listën e projekteve kapitale, por pjesëmarrja e qytetarëve ka qenë zakonisht minimale.
Ndërkohë në mbledhjen e së enjtes, ekzekutivi është akuzuar se ka ndarë minimalisht buxhetin për projekte kapitale në lokalitete.
Alban Slihu, shef i grupit të kuvendarëve nga radhët e Lëvizjes Vetëvendosje, ka thënë se kryetari i Komunës është përgjigjes i diskriminimit të hartimit të buxhetit me arsyetime se disa projekte jetësore për qytetarët kanë mbetur pa u futur në këtë buxhet. Ai ka shpjeguar se për çdo vjet po përsëriten gabimet e njëjta të buxhetit duke e cilësuar si jo gjithëpërfshirës dhe diskriminues.
“Si mos të jetë diskriminues planifikimi i një buxheti ku prej rreth 7 milion euro të planifikuara për investime kapitale, vetëm 570 mijë euro janë planifikuar për fshatrat e komunës. Kthyer në përqindje vetëm 8 për qind e buxhetit për investime kapitale është menduar për fshatra. Këtu nuk përfshihen dy stadiumet famëkeqe për shkak të investimit aty se si është bërë. Dihet se rreth 88 për qind e popullsisë së komunës së Lipjanit jetojnë nëpër fshatra del se buxheti për ta i menduar është planifikuar vetëm 8 për qind. Diskriminim flagrant”, ka thënë Salihu.
Lulzim Rrustemi, kuvendar nga radhët e PDK-së, ka thënë se viti 2025 është kapital dhe shumë i rëndësishëm për qytetarët e kësaj komune, prandaj aprovimi i buxhetit ka peshë të veçantë për arsimin, shëndetësinë, infrastrukturën, ndërtimin dhe ekzistencën e qytetarëve.
“Viti 2025 Lipjanin e pret vetëm me 20 mijë euro investime në fushën e Arsimit, por ne mendojmë se nuk është rregulluar çështja e arsimit në Lipjan sepse kemi pasur kërkesa për ndërtimin e një shkolle fillore dhe sot e tutje arsimi në Lipjan është i ngulfatur. Transferimi i nxënësve në shkollën e mesme nuk po funksionon pavarësisht premtimeve. Tek, uji i pijshëm për vitin 2025 e kemi vetëm një investim të një aneksi në Sllovi. Ky fshat prej vitesh nuk e ka ujin e pijshëm dhe është investim i mirë po çfarë keni bërë për rajonet tjera si Ribari, Kraishta , Topliqani, Bujani, Bregu i Zi, Hallaqi e të tjera që janë pa ujë të pijshëm prej vitesh”, ka thënë Rrustemi.
Në anën tjetër Latif Ramadani, drejtor për Buxhet e Financa në Komunën e Lipjanit, ka sqaruar se aq sa ka pasur propozime nga qytetarët gjatë dëgjimeve buxhetore janë futur në listën e projekteve kapitale. Sipas tij, rreth 70 projekte kapitale do të realizohen sipas planifikimit të buxhetit dhe një pjesë tjetër planifikohet pasi komuna t’i marrë rreth 2 milion euro të tjera nga granti i përformancës.
Ramadani më tej ka sqaruar se buxheti në total për vitin 2025 është 24 milion e 897 mijë euro, ndërkaq, mjetet nga këto do të ndahen në paga dhe mëditje në vlerë prej 12 milion 779 mijë euro, mallra dhe shërbime 3 milion e 761 mijë, shërbime komunale 450 mijë, subvencione dhe transfero një milion e 120 mijë euro dhe investime kapitale 6 milion e 786 mijë e 819 euro.
“Ata që kanë marrë pjesë në dëgjime buxhetore kanë dhënë kontribut, pjesa më e madhe e atyre kërkesave janë implementuar në këtë tabela. Janë 70 projekte dhe jemi munduar ta bëjmë një përfaqësim për të gjitha lokalitetet, pjesa tjetër që nuk kemi mundur ta përfshijmë, janë edhe projekte tjera me grantin e përformances që do ta marrim. Ky grant është vonuar nga niveliu qendror dhe aty presim që t’i përfitojmë mbi 2 milion euro për përformancë të mirë të qeverisjes sonë”,ka thënë Ramadani. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Largimi i veturave të braktisura, Rama: Qëllimi kryesor i këtij aksioni është përmirësimi i cilësisë së jetës
Projekti i dixhitalizimit të parkingjeve, Havolli: Do të vendosen senzorët që do të komunikojnë në kohë reale me “Prishtina Parking”
Në Podujevë hapet panairi me produkte ushqimore dhe artizanale
Ndërhyrja e Zelenskyt kur Trump thotë se ka marrëdhënie të forta edhe me Putinin – pastaj reagimi i ish-presidentit amerikan
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Imami Maliqi njofton se do të rifillojë mësimin nxënësja nga Peja që u largua për shkak të mbulesës
Kurti në takim me kryeministrin e Kroacisë: Serbia mbetet faktor destabilizues e kërcënues i rajonit
Delegacioni turk dhe delegacione të tjera u larguan nga salla gjatë fjalimit të Netanyahu në OKB
Zelensky ua paraqet politikanëve amerikanë 'planin e fitores' – tregon se për çfarë bëhet fjalë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ndërhyrja e Zelenskyt kur Trump thotë se ka marrëdhënie të forta edhe me Putinin – pastaj reagimi i ish-presidentit amerikan
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Delegacioni turk dhe delegacione të tjera u larguan nga salla gjatë fjalimit të Netanyahu në OKB
Kjo verë ishte më e ngrohta e regjistruar në Evropë - por jo për të gjithë
Turki Alalshikh ka gjetur kundërshtarin e radhës për Daniel Dubois
Zelensky ua paraqet politikanëve amerikanë 'planin e fitores' – tregon se për çfarë bëhet fjalë