Vetëm 10 për qind e njerëzve të infektuar me coronavirus zhvillojnë antitrupa, thotë një ekspert

Vetëm 10 për qind e njerëzve që janë të infektuar me coronavirus zhvillojnë antitrupa, thotë një ekspert.

Sipas mediave të huaja, përcjell Telegrafi, profesori Karol Sikora, njëherit këshilltar në Organizatën Botërore të Shëndetësisë, tha se shumica do të përballeshin me një rezultat negativ nga një test i antitrupave, edhe pse kanë qenë të infektuar me coronavirus.

Ai tha se nëse njerëzit zhvillojnë antitrupa janë me të vërtet të privilegjuar, pasi ata kanë të ngjarë të jenë imun, dhe nuk ka gjasa të infektoheni përsëri apo ta transmetojnë sëmundjen tek dikush tjetër.

Eksperti u shpreh se vetëm 10 për qind e të infektuarve kanë antitrupa, por nuk do të thotë që vetëm 10 për qind e tyre janë infektuar.

Komentet e ekspertit erdhen pas studimeve që tregojnë se shumica e njerëzve që shërohen nga coronavirusi gjenerojnë një rezultat të dobët ndaj antitrupave kundër COVID-19.

Studiuesit nga Universiteti Rockefeller në “New York City”, shikuan mostrat e plazmës së gjakut nga 149 pacientë të shëruar.

Ata zbuluan se shumë pak prej tyre zhvilluan antitrupa që bllokojnë virusin./Telegrafi/