Veseli takon kryesuesit e Ekipit negociator, koordinohen për procesin e dialogut 

Kryetari i Kuvendit të Kosovës, Kadri Veseli ka takuar sot kryesuesin e Ekipit negociator Fatmir Limaj dhe bashkëkryesuesin Shpend Ahmeti, për t’u koordinuar lidhur me dialogun.

Veseli theksoi se Kuvendi i Kosovës është në dispozicion të plotë për këtë proces të rëndësishëm për vendin, në mënyrë që të përmbyllet me njohjen e pavarësisë së Kosovës nga Serbia dhe ulësen në OKB.

“Me bashkëkryesuesit e Ekipit Negociator, Fatmir Limaj dhe Shpend Ahmeti, për t’u koordinuar lidhur me dialogun. Kuvendi i Kosovës është në dispozicion të plotë për këtë proces të rëndësishëm për vendin, në mënyrë që bashkërisht ta përmbyllim atë me njohjen e pavarësisë së Kosovës nga Serbia dhe ulësen në OKB”, shkruan Veseli në Facebook.

Lexo po ashtu Haradinaj: Qeveria në funksion të ekipit negociator për dialogun

Ndryshe, edhe kryeministri Ramush Haradinaj ka takuar sot Fatmir Limajn dhe Shpend Ahmetin.

Sipas të parit të ekzekutivit, qeveria e Kosovës ka ndërtuar një ekip dinamik të ekspertëve që ka përgatitur materien gjithëpërfshirëse, të gjallë, të hapur për debat, me qëllim që procesi i dialogut mes dy shteteve të jetë transparent.

Haradinaj është zotuar që qeveria të jetë në funksion të plotë të ekipit negociator. /Telegrafi/