Veseli në Klinë: Vetëm një Qeveri e udhëhequr nga ne, do ta zhvillojë ekonominë dhe do të krijojë vende pune të qëndrueshme

PDK thotë se shumë simpatizantë të kësaj partie në Klinë kanë mbetur jashtë sallës, ku është mbajtur një tubim i madh i PDK-së, ku ishte i pranishëm edhe kandidati për Kryeministër, Kadri Veseli.

Në fotot e publikuara nga vet Veseli në Facebook, shihet se shumë simpatizantë kanë mbetur jashtë, derisa salla brenda tashmë është mbushur.

Veseli shihet duke ju folur edhe qytetarëve që nuk kanë mundur të hynë brenda sallës ku mbahej tubimi.

“Jehona e Dukagjinit në Klinë ishte shumë e vogël për t’i zënë përkrahësit e Partisë Demokratike të Kosovës. Ata erdhën për t’i dhënë forcë PDK-së, që ne t’i japim gjithë Kosovës, sepse e dinë që vetëm një Qeveri e udhëhequr nga ne ofron shpresë të vërtetë.

Vetëm një Qeveri e udhëhequr nga ne, do ta zhvillojë ekonominë dhe do të krijojë vende pune të qëndrueshme. Dhe, do t’i ruaj e mbajë të forta marrëdhëniet me Shtetet e Bashkuara të Amerikës. Bëhuni bashkë dhe votoni për Partinë Demokratike të Kosovës”, ka shkruar Veseli në Facebook.