Veseli: Jam i tronditur që Kurti po jep informacione të rreme për seriozitetin e synimeve të SHBA-së

Kreu i Partisë Demokratike të Kosovës, Kadri Veseli, ka reaguar ashpër ndaj kryeministrit Albin Kurti, pasi Ambasadori  Grenell, demantoi për përmbajtjen e telefonatës me zyrtarët amerikanë të Shtëpisë së Bardhë.

Nëpërmjet një shkrimi në Twitter, Veseli ka thënë se ndihet i tronditur që Kryeministri i Kosovës po jep informacione të rreme për seriozitetin e synimeve të SHBA-së.

“Jam i tronditur që Kryeministri i Kosovës po jep informacione të rreme për seriozitetin e synimeve të SHBA-së. PDK vlerëson punën e Ambasadorit Grennell për të arritur një marrëveshje përfundimtare ndërmjet Kosovës dhe Serbisë dhe është e përkushtuar në përpjekjet e SHBA-së për paqen në Ballkan”, ka shkruar Veseli.

Lexo po ashtu Grenell demanton Zyrën e Kryeministrit rreth telefonatës me Kurtin - i kemi bërë të qartë se tarifa po dëmton ekonominë e Kosovës

Zyra e Kurtit kishte deklaruar se gjatë bisedës që ka pasur me Grenellin, i është konfirmuar se ndihma ndaj Kosovës nuk do të ndalet.

Ndërkaq Grenell ka reaguar ndaj këtyre deklaratave, duke i quajtur të pavërteta.

Ai ka thënë se, SHBA i ka bërë të qartë Kurtit se vendimi i tij për të mbajtur tarifat edhe pjesshëm janë duke dëmtuar ekonominë e Kosovës – dhe SHBA’ja nuk do t’i çonte dëm ndihmat tona nëse lidershipi i Kosovës vazhdon të dëmtojë popullin e vet në këtë mënyrë. /Telegrafi/

I am shocked that the Kosovo Prime Minister is giving false information about the seriousness of US intentions! PDK appreciates the work of Ambassador @RichardGrenell to reach a final agreement b/w #Kosovo and #Serbia and is committed to US efforts for peace in #WesternBalkans.

— Kadri Veseli (@KadriVeseliKS) March 5, 2020