Veseli: Po punoj dhe ëndërroj çdo ditë për bashkim kombëtar

Kryetari i Partisë Demokratike të Kosovës, Kadri Veseli ka thënë se Hashim Thaçin e ka mik, por vetëm ai e drejton PDK-në.

Veseli në “Debat Plus” me Ermal Pandurin në RTV Dukagjini ka thënë se është spekuluar shumë se ndonjë deputetë i PDK-së do ta votonte qeverinë e Avdullah Hotit.

“PDK nuk ka votë për asnjë qeveri pos të qeverisë së Partisë Demokratike të Kosovës dhe konceptit të saj djathtist”, tha ai, përcjell Telegrafi.

Kryetari i PDK-së thotë se kjo parti pos progresit të madh ka bërë edhe gabime në qeverisje.

“Unë nuk tërhiqem nga gabimet që janë bërë. Kam filluar reformën dhe do ta vazhdojë deri në fund”.

Veseli thotë se Kurti ka shumë më tepër miq oligarkë se ai  e publikisht flet kundër tyre.

Duke folur për zhvillimet brenda partisë, Veseli thotë se Hashim Thaçin e ka mik për në PDK vendos vetëm ai.

“PDK ka vetëm një kryetar dhe atë me mandat të plotë. Me mua nuk ka flirtim e as fjalë. Me mua ka vetëm veprim”.

Veseli thotë se do të vazhdojë reformat në parti dhe sipas tij qytetarët janë duke e pritur mirë.

“Nuk abuzojë me bashkimin kombëtarë punojë për të çdo ditë dhe ëndërroj çdo ditë por nuk dua ta dëmtoj kombin në këtë kohë”, tha ndër të tjera Kadri Veseli./Telegrafi/