Verratti kërkon Ligën e Kampionëve me PSG-në

Lavdia e Ligës së Kampionëve është në mendjen e mesfushorit italian, Marco Verrati, i cili nënshkroi një zgjatje të kontratës me Paris Saint-Germain.

Verratti ka nënshkruar një marrëveshje të re pesë-vjeçare me kampionët e Francës që do të shohin atë të qëndrojë në Paris deri në 2021.

23-vjeçari italian ka fituar katër herë radhazi titullin e Ligue 1, që kur erdhi nga Pescara në vitin 2012 dhe italiani tani është duke vështruar një sukses evropian me trajnerin e ri, Unai Emery, pasi të mëparshmit kanë dështuar të shkojnë më shumë se në çerekfinale në katër sezonet e kaluara.

Lexo po ashtu Verratti flet për interesimin e Realit, tregon se kur do të largohet nga PSG

“Ne kemi fituar tashmë shumë në Francë dhe dua të vazhdoj të fitoj dhe tani ne gjithashtu shpresojmë për të fituar në Evropë, sepse ky është qëllimi ynë, qëllimi i klubit”, ka thënë Verratti në faqen zyrtare të klubit, transmeton Telegrafi.

“Është një qëllim shumë, shumë ambicioz, por unë jam një lojtar që i pëlqen këto lloje të objektivave, sepse kjo do të thotë që ju luani për një ekip të madh dhe unë jam shumë i lumtur”, përfundoi mesfushori italian. /Telegrafi/