Vendimi i Man Utd për të zëvendësuar Ronaldon me Weghorst cilësohet si njëri nga më të këqijtë në historinë e futbollit

Gazetari i njohur anglez, Piers Morgan ka pohuar se menaxheri i Manchester United, Erik ten Hag, mori vendimin “më të keq” në histori duke zëvendësuar Cristiano Ronaldon me Wout Weghorst.

Ronaldo bëri largimin e tij shokues nga Old Trafford nëntorin e kaluar pasi kritikoi hapur shokët e tij të skuadrës, Ten Hag dhe familjen Glazer në një intervistë të ashpër me Piers Morgan.

Sulmuesi 38-vjeçar portugez nënshkroi një kontratë fitimprurëse me skuadrën arabe, Al Nassr dhe që atëherë ka gjetur bazën e tij në Arabinë Saudite.

Ronaldo, i cili është nën kontratë me Al Nassr deri në vitin 2025, tani ka regjistruar dy asistime dhe ka shënuar 11 herë në 11 paraqitje në të gjitha garat për skuadrën e tij aktuale.

Great team performance – we keep pushing forward 💪🏽 pic.twitter.com/kF1hZHL7XY

— Cristiano Ronaldo (@Cristiano) April 4, 2023

Ylli portugez shënoi dy gola për Al Nassr në fitoren 5-0 ndaj klubit të Ligës Pro Saudite, Al Adalah, në stadiumin Princi Abdullah Bin Jalawi, të martën mbrëma.

Weghorst mbërriti në Old Trafford në afatin e janarit pasi huazimi i tij te turqit e Besiktas u anulua, me Unitedin që pagoi një tarifë huazimi prej 3 milionë funtesh.

Sulmuesi 30-vjeçar holandez është përballur me kritika që nga transferimi i tij te Unitedi, pasi ka shënuar vetëm dy gola dhe ka regjistruar dy asistime në 19 paraqitje për United, pasi zëvendësoi Ronaldon në Old Trafford.

Pas dy golave të Ronaldos kundër Al Adalah, Morgan postoi në profilin e tij privat në Twitter duke e quajtur vendimin e Ten Hag për të “hequr” yllin e Al Nassr për Weghorst si “një nga më të këqijtë në historinë e futbollit”.

“Dy gola të tjerë për Ronaldon deri më tani sonte, duke përfshirë këtë të mrekullueshëm që sugjeron edhe një herë vendimi i Ten Hag për ta hequr atë për Wout Weghorst ishte një nga më të këqijtë në historinë e futbollit”, shkroi ai. /Telegrafi/

Two more goals for @Cristiano so far tonight, including this superb one which once again suggests Ten Hag’s decision to dump him for Wout Weghorst was one of the worst in football history. pic.twitter.com/bu8XJGKLjG

— Piers Morgan (@piersmorgan) April 4, 2023