Vedat Muriqi po përgatitet mirë për sezonin e ri, shënon gol në miqësoren e parë

Sulmuesi i Kosovës, Vedat Muriqi, po përgatitet me Mallorcan për sezonin e ri, ku në miqësoren e fundit ka arritur të shënojë edhe gol.

Muriqi shënoi golin e tretë në fitoren 3-1 të Mallorcas kundër Crewes, që garon në kategorinë e katërt të futbollit anglez në ndeshjen miqësore u zhvillua në Birmingham.

Muriqi përfitoi nga pasim i gabuar i një futbollisti të ekipit anglez dhe kaloi portierin dhe në portën e zbrazët shënoi golin e tretë në minutën e 90-të.

Ishte kjo ndeshja e parë e Mallorcas përgatitore për edicionin 2024/2025 të La Ligas spanjolle.

30-vjeçar ishte prej më të mirëve në edicionin e kaluar, ku edhe për kundër lëndimeve shënoi shtatë gola dhe asistoi dy herë në 29 ndeshje në elitën e futbollit spanjoll.

🔴⚫️Victòria del @RCD_Mallorca al primer partit de la pretemporada

✅El conjunt de Jagoba Arrasate s’ha imposat al @crewealexfc 1⃣-3⃣

⚽️Han marcat Toni Lato, Marc Domènech i Vedat Muriqi pic.twitter.com/bUuh4MAgvr

— Esports IB3 (@EsportsIB3) July 21, 2024

Mallorca ndeshjen e parë të edicionit 2024/2025 do ta zhvilloj në shtëpi kundër Real Madridit më 18 gusht. /Telegrafi/