Van Nistelrooy i bindur se ylli i Man United do të shkëlqejë nën urdhrat e Ruben Amorim

Trajneri i përkohshëm i Manchester United, Ruud Van Nistelrooy, ka thënë se është i bindur që Manuel Ugarte do ta dëshmojë se është një lojtar i madh nën urdhrat e Ruben Amorim.

Ugarte u transferua në ‘Old Trafford’ me pritshmërit të larta në supet e tij pas aventurës me PSG-në klub nga i cili u transferua për 42 milionë euro.

Sidoqoftë, 23-vjeçari deri më tani nuk ka arritur të dëshmohet me fanellën e Unitedit, diçka që ka shqetësuar tifozët.

Megjithatë, Ugarte do të jetë i lumtur me ardhjen e Amorim, pasi dyshja më herët kanë punuar së bashku tek Sportingu për dy sezone.

“Unë jam i bindur se Manuel do të jetë një lojtar i madh për Unitedin. Mendoj se ai pati paraqitje të mira në ndeshjet e fundit”.

“Të japësh mendime për lojtarët që janë këtu për dy ose tre muaj, ju duhet të jeni të kujdesshëm se çfarë mendoni”.

“Është një blerje e madhe, shumë lojtarë i mirë, profesionist, ka kualitete të veçanta në mesfushë dhe mund të rikuperojë shumë topa për ne në fazën e sulmit”, ka thënë Van Nistelrooy.

Legjenda holandeze beson se Unitedi do të duhet të mbështetet fuqishëm tek Ugarte në ndeshjet e ardhshme shkaku i mungesave të Kobbie Mainoo dhe Mason Mount që kanë lënë pak opsione në mesfushë./Telegrafi/