Valverde kundër Guardiolas: A është skuadra e sotme më e fortë se Barca 2010/11?

Të shtunën Barcelona e Enresto Valverdes mund ta barazojë rekordin e ndeshjeve pa humbje të sezonit 2010/11 të Pep Guardiolas. 

Një barazim në Eibar do të mjaftonte për t’u kthyer në një ekip rekordesh.

Por a është kjo skuadër më e mirë se ajo e 2010/11?

Të dy palët kanë skuadra të jashtëzakonshme, por vetëm katër lojtarë kanë qenë pjesë e të dy ekipeve: Gerard Pique, Sergio Busquets, Andres Iniesta dhe Lionel Messi.

Pjesa tjetër duket e ekuilibruar; Marc-Andre Ter Stegen ose Victor Valdes? Samuel Umtiti ose Carles Puyol? David Villa apo Luis Suarez?

Do të ketë mendime të ndryshme por ajo që është e qartë është se të dy skuadrat janë të shkëlqyera.

Në 2010/11, Blaugranat e fituan Superkupën e Spanjës, La Ligan dhe Ligën e Kampionëve.

Tifozët e Barcelonës kanë arsye ta presin këtë sukses të 2011-tës edhe këtë vit, pasi janë lider në kampionat, finalist në Kupën e Mbretit dhe në garë në Ligën e Kampionëve.

Barcelona shihet favorite kundër Sevillas dhe ky trofe mund të jetë i Barcelonës, gjë që Guardiola nuk e kishte arritur në këtë vit.

Në kampionat avantazhi është shtatë pikë ndaj Atletico Madridit, ndërsa Guardiola ka fituar ndaj Real Madridit në vitin 2011.

Liga e Kampioneve është një tjetër histori, pasi kanë përballje të vështirë kundër Chelseat. /Telegrafi/