Ushtarët amerikanë marrin instruksione se çfarë duhet të thonë në paradën ushtarake, në rast se dikush i pyet diçka

Shteti më i fuqishëm në botë, SHBA-të, feston sot ditën e pavarësisë – 4 korrikun, ku miliona amerikanë mblidhen në Washington DC për të ndjekur nga afër fjalimin e presidentit Donald Trump si dhe paradën ushtarake, shkruan Business Insider.

E për të kaluar gjithçka pa incidentin më të vogël, forca të shumta të sigurisë janë angazhuar. Megjithatë, për dallim nga festa tradicionale, kësaj radhe me kërkesë të presidentit Donald Trump do të ketë parakalim të makinerisë ushtarake, dhe mbi qiell do të fluturojnë në mënyrë simbolike disa aeroplanë ushtarak, transmeton Telegrafi.

E ata ushtarë vullnetar kanë marrë instruksionet nga zyrtarët e tyre se çfarë duhet të thonë, dhe si duhet të veprojnë në rast se u afrohen mediat për t’i pyetur diçka.

“Jam krenar që i shërbej këtij kombi, dhe jam krenar që jam anëtar i gardës”, thuhet në kartën e instruksioneve që u është dhënë ushtarëve.

Ushtarëve të gardës ceremoniale gjithashtu u është bërë e ditur se ata janë “gjithmonë përfaqësues të ushtrisë amerikane”

Ndryshe është raportuar se të paktën 300 trupa planifikohen të jenë pjesë e paradës ushtarake kurse në këtë paradë do të parakalojnë tanket, mjetet e tjera të blinduara luftarake dhe disa aeroplanë. /Telegrafi/