Ugarte rrezikon të marrë një dënim të rëndë për goditjen me kokë ndaj Havertzit

Martin Ugarte po ballafaqohet me një dënim të mundshëm për goditjen me kokë që i dha Kai Havertz gjatë fitores së Manchester United në FA Cup ndaj Arsenalit.

Pak momente pas penalltisë së fituar nga Arsenali, shpërtheu një përleshje mes lojtarëve aty ku Ugarte u pa i tensionuar ndaj Havertz i cili ishte lojtari që e fitoi atë penallti.

Uruguaiani u duk sikur e goditi me kokë Havertzin, incident ky që nuk kaloi pa u vërejtur nga gjyqtari i ndeshjes Andy Madley.

Ndonëse Ugarte nuk u përjashtua me karton të kuq, ai rrezikon që të marrë një dënim prej tri ndeshjes në rast se veprimi i tij do të konsiderohet i dhunshëm, sipas The Mirror.

Në rast se ai e merr këtë dënim, atëherë do të ishte një goditje e madhe për Ruben Amorim, i cili e ka përdorur atë si titullar në dy ndeshjet e fundit të ‘Djajve të Kuq’.

Pas përfundimit të kësaj ndeshje, për mediat u deklarua edhe Ruben Amorim i cili e vlerësoi paraqitjen e skuadrës së tij.

“Unë mendoj se luajmë, veçanërisht në pjesën e parë, ne luajtëm më mirë se sa në ndeshjen e parë”.

“Ne ishim më të mirë në ndërprerje, më agresiv. Ne shfaqëm një shpirt më ndryshe edhe me 10 lojtarë. Ne po përmirësohemi në këtë aspekt”, ka thënë tekniku portugez./Telegrafi/