U vonua për udhëtimin me aeroplan, filloi të vrapon nëpër terminal e pistë – arrestohet nga policia irlandeze (Foto)

Në aeroportin e Dublinit, policia është ballafaquar me një incident të pazakontë: një i ri që me sa duket ishte vonuar për udhëtimin e tij, është parë duke vrapuar nëpër terminal dhe kështu ka arritur deri në pistë.

Ky i ri që besohet të jetë rreth të ’20-ve, ishte vonuar për udhëtimin e tij për në Amsterdam, dhe kështu kishte menduar që duke i dalur përpara aeroplanit do ta bind pilotin të ndalet dhe ta merr edhe atë, transmeton Telegrafi.

Ky irlandez fillimisht ishte munduar të bindë punonjësit në aeroport që ta lejojnë të kalojë, por porta tashmë ishte mbyllur. Por nga dëshira e madhe që të udhëtojë me të tjerët, filloi ta përplas dritaren e terminalit dhe t’i bërtas pilotit, “ndalu’.

A late passenger has been pinned to the ground by @DublinAirport police after running out of the terminal towards the plane pleading and shouting at the pilot to wait. 1/…@BBCNewsNI pic.twitter.com/TJL22qfNCt

— Declan Harvey (@NewsDeclan) September 27, 2018

Dhe pasi që ai nuk e kishte parë e lëre më ta dëgjojë, vendosi të vrapojë nëpër terminal dhe të hapë derën për të vazhduar vrapimin nëpër pistë duke thirrur “prit”.

“Ishte shumë i vendosur që ta zë aeroplanin dhe gjatë gjithë kohës nuk e lëshonte nga dora valixhen”, ka deklaruar një dëshmitar i kësaj ngjarje të pazakontë.

Ai madje ka arritur t’i afrohet aeroplanit në pistë, por në momentin e fundit i janë vënë pas dy vetura dhe një furgon të policisë. Ata menjëherë iu vërsulën dhe e përplasën në pistë. Kundër tij është ngritur padi. Ndërsa për shkak të këtij incidenti, aeroplani është nisur me 21 minuta vonesë. /Telegrafi/