U shpëtuan, pak para se të thereshin: Momenti kur 53 qen zbulohen të lidhur në thasë në pjesën e pasme të një kamioni në Indonezi

Disa pamje të publikuara thuhet se tregojnë momentin kur policia dhe aktivistët e kafshëve përgjuan një kamion të mbushur me 53 qen teksa mbërriti në një thertore ilegale të mishit të qenit në Indonezi.

Sipas mediave të huaja, përcjell Telegrafi, qentë – kryesisht kafshë shtëpiake të vjedhura – ishin të lidhur nëpër thasë, sipas një deklarate nga grupi për të drejtat e kafshëve Humane Society International.

Sipas Humane Society International, qentë mbërritën në thertore – ku 30 qen goditen për vdekje çdo ditë – pasi duruan një udhëtim rraskapitës 10 orësh.

Policia përgjoi kamionin dhe arrestoi një burrë të dyshuar si tregtar mishi qeni në ishullin indonezian Java, si pjesë e bastisjes së parë të policisë në shkallë të gjerë në një thertore të paligjshme të mishit të qenit.

Zyrtarët kishin infiltruar një operacion të trafikut të qenve në ishull përpara se të niseshin për të arrestuar tregtarin, i cili dyshohet se ka qenë në qendër të tregtisë së mishit të qenit në Java për më shumë se dy dekada.

Operacioni u zhvillua në orët e hershme të 24 nëntorit me kohën lokale.

Aktivistët nga koalicioni Dog Meat Free Indonezia (DMFI), i cili bën fushatë për një ndalim mbarëkombëtar të tregtisë së mishit të qenve dhe maceve, ishin në vendngjarje për të shpëtuar çdo qen që ishte gjallë.

Fatkeqësisht, një nga qentë kishte ngordhur gjatë udhëtimit.

DMFI shpreson që bastisja do të dërgojë një mesazh të fortë për tregtarët e tjerë se ata nuk do të mbeten pa u ndëshkuar dhe se kjo shënon një pikë kthese në fushatën e tyre për të ndaluar tregtinë në mbarë vendin.

Qeveria indoneziane është zotuar të godasë tregtinë e mishit të qenit, por vetëm një pjesë e vogël e autoriteteve rajonale, përfshirë Sukoharjo, kanë miratuar ndalime të qarta në juridiksionet e tyre.

Sondazhet e opinionit tregojnë se 93 për qind e indonezianëve mbështesin një ndalim mbarëkombëtar të mishit të qenve, me vetëm rreth 5 për qind që mendohet se hanë mishin. /Telegrafi/