U dënua edhe me 19 vjet burg, Nalvalny: Numri i viteve nuk është për mua, por për ju

Figura kryesore e opozitës ruse, Alexei Navalny, komentoi vendimin që mori pas gjykimit për ekstremizëm.

Ai tha se e kupton që nuk do të dalë nga burgu derisa të vdesë ose derisa të bjerë regjimi dhe i dërgoi një mesazh popullit rus.

“19 vite në një burg të një regjimi special. Nuk ka rëndësi numri. E kuptoj shumë mirë që, si shumë të burgosur politikë, jam duke vuajtur një dënim të përjetshëm, ku jeta matet me kohëzgjatjen e jetës sime apo jetën e këtij regjimi. Numri i viteve të përcaktuara në aktgjykim nuk është për mua, është për ju”.

Lexo po ashtu Alexei Navalny dënohet me 19 vjet të tjera burg

“Ata duan të të frikësojnë ty, jo mua, dhe t’ju heqin vullnetin për të rezistuar. Ju po detyroheni t’ia dorëzoni Rusinë bandave, tradhtarëve, hajdutëve dhe të poshtërve që kanë kapur pushtetin. Putini nuk duhet të arrijë qëllimin e tij. Mos e humb vullnetin për të rezistuar”, tha lideri i opozitës ruse.

Avokatët konfirmuan se Gjykata e Qytetit të Moskës e dënoi Alexei Navalnyn me 19 vjet burg ndërsa ish-drejtorin teknik të kanalit Navalny Live YouTube, Daniel Kholodny me tetë vjet.

Ndryshe, autoritetet ruse kanë bllokuar deklaratën e opozitës në rrjetet sociale. /Telegrafi/