“Kosova C” është shndërruar në sinonim të një termocentrali që ka filluar të nxjerrë tym e të bëjë pluhur ende pa prodhuar asnjë megavat-orë energji elektrike. Megjithëse nuk është proceduar me shumë sesa një përzgjedhje parakualifikuese, shqyrtim modalitetesh e formash ndërtimi, projekti për termocentralin e ri që nga fillimi i shpalosjes po përshkohet nga kundërthënie të shumta.
Veprimi tjetër vendnumërues është vendimi i Qeverisë së Kosovës për t’ia ndërruar emrin projektit nga “Kosova C” në “Kosova e Re”. Pa verifikuar shumë se cila është esenca e kësaj “rokade”, përshtypja e parë është se duke qenë të pazotët ta shtyjnë procesin përpara, e për të lënë përshtypjen se gjoja janë duke u marrë me këtë punë, ndërrojnë, vendojnë, kalkulojnë e risistemojnë emra projektesh.
Kjo “lojë emrash” vihet shumë para angazhimeve strategjike për ta konceptuar zhvillimin e mëtejshëm të energjetikës. Para se të zbrisnin në këtë nivel të të zhvilluarit të politikave operuese, më mirë do të ishte të fillojnë themelet e termocentralit. Nëse kjo është e pamundur, së paku të merren me përshtatjen e infrastrukturës ligjore, kompletimin e rregullave për ndërtimin e një termocentrali të ri, si dhe ta analizojnë më drejt, më mirë e më profesionalisht këtë gjë. Kjo punë do të rezultonte me më pak “fërkime sektoriale”, të cilat, që nga shpalosja e idesë, kanë qenë të pranishme në çdo debat.
Kosova, sigurisht, ka nevojë urgjente për energji elektrike, me qëllim të sigurojë zhvillim të papenguar të ekonomisë, por për një zhvillim praktik, real, që preket e vërehet, e jo garë emrash e slogane politike që as nuk prodhojnë energji, as nuk sigurojnë stabilitet ekonomik.
Mirëpo, e gjithë kjo tymnajë nuk është e papritur. Fundja, edhe vendimi për ndërtimin e termocentralit Kosova C – 2100 megavat është marrë para se të bëhet qoftë edhe një studim apo analizë ekonomike, sociale, ekologjike në rajonin ku do të ndërtohet. Pra, edhe në këtë projekt gjërat kanë filluar “alla-shqiptarçe”. Fillimisht është vendosur, është caktuar edhe kapaciteti i blloqeve që do të ndërtohen dhe, pastaj, dikur vonë, kanë vendosur ta diskutojnë me ekspertët dhe me qytetarët!?
Po të vlerësohet fare thjeshtë, pikë së pari ky është konflikt ekonomik në kuptimin e humbjeve ekonomike, por në këtë lloj varianti, siç është aplikuar deri tash, më tepër ngjan në një garë të pandershme politike, ku projekti energjetik përdoret si bazë e moto partiake.
Kjo taktikë e ka shtyrë edhe Qeverinë shqiptare të tërhiqet dhe të deklarohet se TEC-i “Kosova C” i tejkalon përmasat teknologjike dhe financiare të Shqipërisë, ani pse të dyja shtetet shqiptare nënshkruan një memorandum të gjerë bashkëpunimi pikërisht duke aluduar në këtë projekt.
Me këtë ritëm “progresi” dhe metodologji të politikëbërjes, nuk mund t’i vihet pikë as këtij emërtimi… Nuk duhet lejuar që “Kosova C – e Re” të vjetrohet si projekt dhe ide!?
(Autori është redaktor i rubrikës “Ekopolitikë” në gazetën “Lajm”)
Promo
Reklamo këtuLufta Prigozhin - Putin
Më shumëNga Rubrika
Vendimi për pagën minimale ngre dilema ligjore, Ministria e Financave hesht
Bajrami i reagon kryeministrit Kurti për Investimet e Huaja Direkte: Kjo ka ndodhur nga blerja e banesave nga mërgata
Kurti krenohet me investimet e huaja direkte: Janë rritur 2.4 herë më shumë krahasuar me qeveritë e kaluara
Vendimi për pagën minimale ngre dilema ligjore, Ministria e Financave hesht
Inaugurohet investimi më i ri për lumturinë e fëmijëve - ATC Trade
ATK sqaron se ndryshimet tatimore aplikohen nga gushti, qytetarët përfitojnë 6.8 euro më shumë në pagë
Për flokë dhe lëkurë rrezatuese: Këto 3 lloje të kolagjenit janë gjithçka që ju duhet
Horizon School mirëpret nxënësit për ditën e parë të shkollës
IPKO angazhohet për një vit të suksesshëm shkollor në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit