Disa orë pasi u përball me një gjykatës në Uashington, Donald Trump u shfaq në resortin e tij të golfit në New Jersey.

Ish-presidenti amerikan u kërkoi para mbështetësve të tij - dhe pretendoi se mund të përballet me "561 vjet burg për një krim që nuk e kam kryer".

Ndërkohë, republikani në korridorin e resortit ka takuar një çift që duket se sapo ishin kurorëzuar, transmeton Telegrafi.

Në rrjetet sociale tashmë janë publikuar momentet kur 77-vjeçari takohet me çiftin ndërsa ai i puthë dorën nuses së re.

“Nusja është shumë e bukur”, dëgjohet duke thënë Trump teksa përshëndeste disa mbështetës të tij.

Ndryshe, ky ishte rast i tretë në katër muaj që 77-vjeçari po përballet me drejtësinë amerikane.

Prokurori i posaçëm, Jack Smith, në muajin qershor e akuzoi në lidhje me dërgimin në shtëpi të dokumenteve të klasifikuar.

Në muajin mars, një Juri e Madhe në Manhattan e akuzoi ish-presidentin për mashtrim në biznes.

Trump, i cili është kandidat për president në vitin 2024, ka deklaruar se ndihet i pafajshëm në të dyja rastet. /Telegrafi/

Fun LajmeFun