Tri këshilla për të kaluar më lehtë tremujorin e parë të shtatzënisë

Muajt ​​e parë të shtatzënisë janë koha e ndryshimeve të rëndësishme për trupin tuaj.

Nëse kjo është përvoja juaj e parë që jeni shtatzënë, mund të ndiheni çuditshëm.

Më poshtë ua sjellim tre këshilla për t’ju ndihmuar të kaloni lehtësisht këtë periudhë.

Pushoni shumë

Është shumë e zakonshme të ndiheni të rraskapitur gjatë shtatzënisë. Ndryshimi i hormoneve dhe fakti që trupi juaj po siguron energji për të krijuar një jetë të re mund t’ju ​​lërë të ndiheni sikur gjumi është e vetmja gjë në mendjen tuaj. Sigurohuni që të pushoni mjaftueshëm gjatë natës duke shkuar në shtrat më herët se rutina juaj e mëparshme.

Qëndroni të hidratuar

Gjatë shtatzënisë, trupi juaj përdor shumë lëngje. Jo vetëm që po krijoni lëngun amniotik që rrethon foshnjën, por trupi juaj gjithashtu po rrit vëllimin e tij të gjakut. Mbani ujë ose pije elektrolitike me vete gjatë gjithë ditës, dhe pini vazhdimisht.

Kujdes nga aromat

Hormonet që ndryshojnë ndikojnë në mënyrën se si ju përgjigjeni erërave. Ajo që dikur mbante erë të mirë mund t’ju ​​bëjë keq. Kushtojini vëmendje erës së gatimit të ushqimeve, plehrave dhe aromatizuesve të ajrit që mund të mos ju vijnë mirë. Ajrosni shtëpinë tuaj duke hapur dritare dhe dyer.

Tremujori i parë i shtatzënisë është koha e shumë ndryshimeve. Ndjekja e këtyre këshillave e bën shumë më të lehtë. /Telegrafi/