Trepça ’89 pëson humbje, por kualifikimi mbetet i hapur (Video)

Trepça’ 89 ka pësuar humbje në udhëtim kundër skuadrës nga Ishujt Faroe, Vikingur, m rezultat 2-1.

Edhe pse Trepça ’89 kishte shumë më shumë nga loja si me raste ashtu edhe me posedim të topit në fund nuk doli fituese.

Vendasit kishin vetëm dy goditje në port dhe në të dyja shënuan gol.

Minatorët nuk e nisën mirë takimin pasi pësuan gol që në fillim. Ishte Gunnar Vatnhamar kaloi ishullorët në epërsi në minutën e 17-të.

Po Ttrepca ’89 nuk u frikësua nga ky gol duke provuar edhe disa herë të tjera derisa e gjeti golin e barazimit.

Ishte Fiton Hajdari që me një goditje shumë të bukur nga 20 metra shënoi për 1-1, pesë minuta pa u mbyllur pjesa e parë.

Edhe pjesa e dytë nisi më mirë për Trepcën ’89. Ata kishin disa raste, por që nuk u konkretizuan.

Kur nuk shënon pason dënimi. Ishte Adeshina Lawal që arriti ta shfrytëzojë një huti të mbrojtjes duke shënuar për 2-1. Kjo ndodhi në minutën e 73-të.

Trajneri Zekerija Ramadani provoi të shtojë forcat në sulm duke e futu në lojë edhe sulmuesin Kushtrim Lushtaku për ta zëvendësuar me Shpëtim Idirizn, por që nuk solli sukses edhe pse u goditi shtylla.

89-shi pëson humbje, por me një rezultat që i jep shpresa të mëdha për ndeshjen kthyese që zhvillohet pas një jave. /Telegrafi/