Tragjedi në Argjentinë, derisa tifozët festonin triumfin e kombëtares së tyre në “Katar 2022”

Një tifoz argjentinas ka vdekur tragjikisht kur flamuri të cilin e kishte mbështjellë rreth shpatullave, iu kap në rrotën e motoçikletës.

22-vjeçari, Sebastian Oscar Maciel, vdiq menjëherë pasi e privoi aksidentalisht veten nga oksigjeni.

Ai u rrëzua në tokë ndërsa festonte triumfin e Argjentinës në Kupën e Botës të dielën në qytetin Bahia Blanca në provincën e Buenos Aires.

Tifozi ishte në një motoçikletë Honda XR 150cc në momentin e ngjarjes. Një burim policor i tha një gazete lokale: “Burri duket se ka vdekur kur një flamur argjentinas që mbante të lidhur në qafë, u kap nga njëra prej rrotave rrotat e motoçikletës dhe vdiq”.

“Dëshmitarë të ndryshëm e panë atë të rrëzuar në tokë dhe kuptuan se ai e kishte flamurin në qafë.”

Hetimi është në vazhdim, por hipoteza fillestare është se ai ka vdekur nga asfiksia. Argjentinasit anembanë botës festuan në rrugë pas fitores emocionuese të kombit të tyre me penallti në finalen e Kupës së Botës kundër Francës të dielën.

Më shumë se një milion njerëz u mblodhën rreth monumentit ikonik të Obeliskut në Buenos Aires. Epiqendra e festimeve argjentinase në Barcelonë ishte monumenti Arc de Triomf i qytetit, ku morën pjesë rreth 10,000 mbështetës. /Telegrafi/