Todorov: Nuk ka diskriminim të spitaleve

TetovaSot citon ministrin e shëndetësisë, Nikolla Todorov të ketë deklaruar se përmes masës së bashkëfinancimit të specializimeve, në mënyrë të drejt janë të përfshira të gjitha spitalet në Republikën e Maqedonisë, ku kjo masë, sipas tij, është strategjike dhe afatgjate, transmeton Telegrafi Maqedoni.

“Reforma të cilën e vendosëm për ko financimin e specializimeve është strategjike, afatgjate dhe masë esenciale dhe është në drejtimin e tejkalimit të mungesës së kuadrit të specializantëve në disa sfera dhe në disa qytete.

Kemi bërë dy shpallje për ko financim të specializimit privat, ku njëra është e dedikuar për mjek të regjistruar në specializim privat, përderisa e dyta u dedikua për mjek të përgjithshëm, të cilët janë të pa punë ose nuk punojnë në shtëpitë e shëndetit publik.

Në shpalljen e parë janë zgjedhur gjithsejtë 90 kandidat, ku pjesa më e madhe e tyre për shtëpitë e shëndetit publik, përderisa kandidatët tjerë janë për gjinekolog të shkallës primare.

Këto mjek në mënyrë serioze do ta përforcojnë kapacitetin e më shumë shtëpive të shëndetit në shtet. Për shembull, përmes këtij konkursi janë siguruar plus 30 mjek për spitalin 8 shtatori, 9 mjek në Klinikën për sëmundjet kirurgjike të fëmijëve Shën Naum Ohri dhe Spitalin Klinik në Manastir, 8 mjek në Spitalin e përgjithshëm në Kumanovë, 6 mjek në Spitalin Klinik në Shtip, 4 mjek në spitalet e përgjithshme në Ohër dhe Gostivar dhe Klinikën për sëmundjet e fëmijëve, 2 mjek për Spitalin e përgjithshëm në Strumicë dhe Tetovë dhe 1 mjek në Spitalin e përgjithshëm në Strugë.”, deklaroi ndërmjet tjerash Nikolla Todorov, ministër i shëndetësisë./Telegrafi/

Gjithashtu lexo: Diskriminimi i mjekëve shqiptarë nga Ministria e shëndetësisë, Ipçja refuzon të përgjigjet