Tifozët thonë se Roy Keane kishte të drejtë për Erling Haaland ndërsa rishfaqen pamjet nga pasimet e dobëta të norvegjezit

Disa tifozë mendojnë se kritika e Roy Keane për Erling Haaland është vërtetuar pasi pamjet e yllit të Manchester City u rishfaqën në internet – por të tjerë e kanë mbështetur sulmuesin.

Haaland nuk arriti të gjente rrjetën gjatë barazimit 0-0 të Cityt kundër Arsenalit të dielën dhe humbi një mundësi të artë për të shënuar për skuadrën e tij në minutat e fundit të derbit.

Norvegjezi tani ka kaluar pesë ndeshje pa gol për klubin ose kombëtaren – por është ende në rrugën e duhur për të fituar një Këpucë të Artë të dytë radhazi.

Lexo po ashtu Roy Keane e godet rëndë Haalandin pas ndeshjes me Arsenalin: Si një lojtar i ligës së dytë

18 golat e Haaland e vendosin atë dy herë përpara Ollie Watkins të Aston Villas – pavarësisht se ai humbi pesë ndeshje për shkak të lëndimeve në fillim të sezonit.

Duke folur në Sky Sports pas barazimit të së dielës, Keane deklaroi se Haaland është lojtari më i mirë në botë para portës, por beson se ai duhet të përmirësojë lojën e tij të përgjithshme – madje duke shkuar aq larg sa të sugjerojë se ishte “pothuajse lojtar i nivelit të ligës së dytë”.

“Nivelet e lojës së tij të përgjithshme janë kaq të dobëta,” filloi ai. “Jo vetëm sot. Mendoj se gjuajtja e tij me kokë, çfarëdo qoftë ajo. Për lojën e tij të përgjithshme, për një lojtar të tillë, është shumë e dobët. Jo vetëm sot – ai duhet ta përmirësojë vetën. Loja e tij e përgjithshme duhet të përmirësohet, dhe do të bëhet në vitet e ardhshme”.

Tani, janë shfaqur pamjet e reja të stërvitjes së Haaland që disa tifozë besojnë se përforcojnë pikën e legjendës së Manchester United.

Një fans pohoi: “Golashënues i madh, futbollist i dobët”. Një tjetër tha: “Roy Keane mund të ketë goditur pikën me analizën për Haaland”.

Një i tretë shtoi: “Njerëzit në fakt mendojnë se ai është më i mirë se Mbappe”.

Të tjerët, megjithatë, nuk kishin kritika, duke argumentuar se pamjet nuk bëjnë ndonjë ndryshim – dhe se ka pjesë shumë më të rëndësishme në lojën e Haaland.

Njëri shkroi: “Haaland është një makineri golash, nuk ka nevojë të luajë pasime”, Një i dytë deklaroi: “Ai theu rekorde të shumta, shënoi më shumë gola, fitoi Ligën Premier, UCL, tripletën në sezonin e tij të parë. Por jo mjaftueshëm sepse humbi tri pasime në një ngrohje”. /Telegrafi/