Tifozët e Barcelonës ‘gozhdojnë’ Busquetsin, 86 për qind e tyre duan largimin e spanjollit nga formacioni titullar

Sergio Busquets është njëri nga mesfushorët më të dalluar në historinë e Barcelonës, por tani nuk është më ndër më të preferuarit e tifozëve.

Sipas një sondazhi të kësaj jave nga El Mundo Deportivo, 86 për qind e tifozëve besojnë se Busquets duhet të hiqet nga 11-shja startuese.

Kjo përgjigje vjen prerazi nga tifozët, duke i bërë me dije trajnerit Ronald Koeman se ai duhet ta zëvendësojë spanjollin me boshnjakun Miralem Pjanic.

Ylli boshnjak ka luajtur vetëm një të tretën e minutave në dispozicion dhe analiza sugjeron që nëse do të hyjë në ekipin titullar, do të duhej të zëvendësonte Busquetsin, i cili luan të njëjtin rol.

Koeman është duke luajtur një formacion 4-2-3-1 këtë sezon dhe titullari i pa-diskutueshëm është holandezi Frenkie de Jong.

📰 — In a survey conducted by Mundo Deportivo, 86% of 20,000 fans believe that Pjanic should start over Busquets, and 72% believe that Puig should be given more play time. pic.twitter.com/YX1SX4tw3T

— Barça Universal (@BarcaUniversal) November 14, 2020

Ai ndjek një sondazh të ngjashëm në Marca i cili tregoi se si 78 për qind e të anketuarve besojnë se Pjanic duhet të jetë në 11-shen më të mirë të klubit.

Arturo Vidal, Ivan Rakitic dhe Arthur Melo ishin ndër largimet e verës nga Camp Nou, duke minimizuar opsionet në zemër të mesfushës këtë sezon. /Telegrafi/