“Më thonë se kam gjoks të bujshëm, por dua që të jenë edhe më i madh”. Ka paguar 33 mijë euro për operacionet dhe nuk ka ndërmend të ndalet

Jazmyne Day nga Melburni, ndjen se gjoksi i saj aktual nuk i plotëson ende standardet që ajo synon

Si adoleshente, pësoi ofendime dhe tallje nga bashkëmoshatarët e saj për shkak të pamjes së saj, sepse ishte mbipeshë, kështu që me kalimin e viteve vendosi të ndryshojë në mënyrë drastike.

Jazmyne Day, një kontabiliste nga Britania e Madhe, filloi të ushtrohej rregullisht, ndryshoi dietën e saj dhe reduktoi mjaft ëmbëlsirat.

Përveç kësaj, ajo ka shpenzuar rreth 33 mijë euro për operacione plastike, për ta sjellë pamjen e saj në perfeksion dhe më së shumti para ka investuar në gjoksin e saj, transmeton Telegrafi.

View this post on Instagram

A post shared by Jazmyne Day (@jazdaymedia)

“Kam punuar në një zyrë si kontabiliste, por vazhdimisht luftoja me depresionin për shkak të peshës. Arrita deri në atë pikë sa nuk e shihja më kuptimin e jetës. Kështu fillova të ndryshoja jetën time. Fillova të ngre pesha dhe më pëlqeu”, tregoi ajo.

Për tre vite humbi 27 kilogramë, e përveç kësaj rriti gjoksin dhe të pasmet, por siç thotë ajo ende nuk është plotësisht e kënaqur.

Jazmyne beson se gjoksi i saj aktual nuk i plotëson ende standardet që ajo aspiron. Nga ana tjetër, komente mizore në llogarinë e saj vijnë çdo ditë nga të gjitha anët, por ajo pretendon se nuk i interesojnë aspak.

View this post on Instagram

A post shared by Jazmyne Day (@jazdaymedia)

“Operacionet kërkojnë një pushim në jetë, kështu që tani për tani jam e kënaqur, por do të gënjeja nëse do të thoja që nuk dua gjoks më të madh”, tregon Jazmyne, e cila la punën e mëparshme dhe tani fiton para në platformën OnlyFans.

“Fansat e mi janë të kënaqur me regjistrimet që i bëj gjithnjë e më shpesh. Është shumë argëtuese”, ka shtuar ajo dhe siç ka treguar, fiton rreth 26 mijë euro në muaj si modele në këtë platformë.

View this post on Instagram

A post shared by Jazmyne Day (@jazdaymedia)

/Telegrafi/